Wadan weblog 2

بد / دلېوال یو نوی شعر

13.12.2011 11:54

 

درد ،

  مستي او غم زما دشپې ملګري

بېګاه مې تا پسې ژړل،

                                    چې مې له سترګو څاڅکي څاڅکي شراب وڅڅېدل

زه (( بد)) یم

څومره مې وژړل چې وپوهېدم

زه (( بد)) یم

هره ورځ غواړم چې ستا غږ واورم

هره ورځ غواړم تا ته ووایم ،

                                                         چې څومره مې په زړه وریږې ،

هره ورځ غواړم درته ووایم خپه یم خپه

هره ورځ غواړم یوه داسې بهانه پیدا کړم،

                                                                     چې بس تا ووینمه

که ته غوسه شې او که هر څه وشي

                                                           مګر چې ودې ګورم .

خوهره ورځ خپل دغه تریخ انتظار

                              دڅو ترخو څاڅکو په اورومینځم

او تا پرې نه خبروم

ځکه له ډیرې ژړا وروسته پوه شوم

زه (( بد)) یم

                        بد

                              لکه له سترګو څڅیدلی دشرابو څاڅکی                                                 

۲۲لیندۍ۱۳۹۰