Wadan weblog 2

ځنګل، ته او ښکلا

28.10.2008 10:16

ځنګل د ټولې نړۍ ګډ وطن دی
ځنګل چوپتیا لري
 ځنګله کې ډېر رازونه پټ دي
ځنګل د پاڼو 

                  دوښو

                              او د ریښو ښکلا ده
ځنګل د ټول خلقت د نیمې ښکلا غل ختلی
زه چې ځنګله ته راشم
د لیونتوب په مانا وپوهېږم
زه چې ځنګله ته راشم
د خپلې تیرې ماضي ورک ګامونه بیا پیدا کړم
زه د ځنګله په هره پاڼه کې ستا ښکلې خندا پېژنمه
چې په ځنګله کې ځان یوازې کړمه
نو زما خوښه ده چې هر څه کوم
که د ماشوم په څېر ټوپکې وهم
یا خو د زړه له کومې چیغې وکړم
هېڅ څوک به ونه خاندي
هېڅ چا نه نه شرمېږم
ځنګل د ټولې آزادۍ مانا ده
ځنګله کې ستا ښکلا
                    زما لیونتوب

    او د طبیعت رازونه
                              ټول شنه شوي
زه له ځنګله سره همزولی روح یم
خدای خبر ولې په ځنګله مین یم
                                                                                               ۲۶ میزان ۱۳۸۷

                                                                                      د ګلمارګ ځنګلونه ،کشمیر